Konjufca: Letra e Biden tregon se Grenell ia ka mbajtur anën Serbisë

21:53 | 16 Dhjetor 2020
Arbresh.info

Anëtari i Kryesisë së Lëvizjes Vetëvendosje, Glauk Konjufca ka thënë se në letrën e Biden shkruhet se “është me rëndësi të kthehet mbrapshtë politika e pabalancuar, qasja e Trumpit edhe e Grenelli”.

Konjufca në Pressing të T7 ka thënë se kjo i bie se Grenelli sa herë që ka ardhë në Kosovë ia ka mbajtur anën Serbisë.

“Me marrëveshjen e 4 shtatorit konsideroj që duhet të vendoset në dritën e një dokumenti shumë të rëndësishëm. Ka qenë shumë e frikshme qysh ka pas edhe lajme të rrejshme për atë letër të Bidenit duke e quajtur të pavërtetë. Po e citoj, shkruan kështu:‘Është më rëndësi që të kthehet mbrapshtë politika e pabalancuar, qasja e Trumpit edhe e Grenellit’”, tha Konjufca.

“I bjen që qiky Grenelli sa herë ka ardhë këtu, i bjen fort ja ka majt anën Serbisë, qishtu duhet me u lexu letra e Bidenit. Qasja ka qenë e anshme, e pabalancuar i bjen e anëshme sipas mendimit tim” shtoi ai.

Shpërndaje në rrjete sociale

Lajmet më të lexuara

Të ngjashme

Foto lajm